Қазақстанда exit-poll мәліметтері жарияланды

Зерттеу орталықтары 2022 жылғы референдумға қазақстандық сайлаушылардың қатысуы мен таңдауы туралы мәліметтерін жариялады.

Демократия институтының мәліметі бойынша, сайлауға сайлаушылардың 66,3 пайызы қатысқан. Қазақстандықтардың 79,4 пайызы Конституцияға өзгертулер енгізуді қолдап, 20,6 пайызы қарсы дауыс берген.

Социс-А жан-жақты әлеуметтік зерттеулер институты келесі деректерді ұсынды:
сайлауға қатысу – 67,5%. 76,7 пайызы «өзгерістерді қолдап», 23,3 пайызы «қарсы» дауыс берді.

«Қоғамдық пікір» ғылыми-зерттеу институтының экзит-полл қорытындысына сәйкес, сайлауға 70,1 пайыз қатысты. Сайлаушылардың 74,8 пайызы түзетулерді қолдаса, 25,2 пайызы қарсы дауыс берді.