Қазақстанда ет өндірісі артты

Қазақстанда ет өндірісі қаңтар мен шілде айы аралыында 3,3%-ға артты. Бұл туралы Қазақстан Республикасының Стратегиялық жоспарлау және реформалар жөніндегі агенттігінің ұлттық статистика бюросы хабарлады.

– Қазақстанда 2022 жылғы қаңтар-шілдеде ет өндіру 197,8 мың тоннаны құрады, бұл өткен жылмен салыстырғанда 3,3%-ға артық, – делінген хабарламада.

Бұдан бөлек, қаңтар-шілдеде 324 мың тонна сүт (-11%), 1,8 млн тонна ұн (+9,9%), 298 мың тонна нан (-1,8%), 61,5 мың тонна жарма (+40%) өндірілді.