Қазақстанда енді 14 жастан бастап қылмыстық жауапкершілікке тартылады

ҚР Ішкі істер министрлігі Бас прокуратураға жануарларға қиянат жасағаны үшін жауапкершілікті күшейту туралы заңнамаға түзетулер енгізді. Қазірдің өзінде өзгерістер қолдау тапты. Бұл туралы бейсенбіде орталық коммуникациялар қызметінде өткен брифинг барысында ІІМ әкімшілік полиция комитетінің арнайы тапсырмалар жөніндегі аға инспекторы Айбек Өскембаев айтты.

Өскембаевтың айтуынша, Ішкі істер министрлігі Қылмыстық кодекстің 313 және 316 баптарына, Әкімшілік құқық бұзушылық туралы кодекстің 408 бабын қатаңдатуды ұсынады.

«ҚР Қылмыстық кодексінің 313-бабы бойынша біз санкцияны айыппұл түрінде күшейтуді ұсындық. Онда 2000 АЕК, 5000 АЕК-ке дейін, 600-ден 1000 сағатқа дейін қоғамдық жұмыстарға салу, екі жылдан бес жылға дейін бас бостандығынан айыру ұсынылды», - деді аға инспектор.

ҚР Қылмыстық кодексінің 316-бабы бойынша қатыгездікпен қарау себептерін кеңейту ұсынылады. Сонымен қатар, Ішкі істер министрлігі кәмелетке толмағандардың қатысуымен жасалған орташа ауыр қылмыстар үшін бес жылға дейін бас бостандығынан айыру ұсынылды.

«Сондай-ақ қылмыстық жауаптылық жасын 14 жастан етіп, бұрынғы 16 жастан төмендету ұсынылады. Қылмыстың өзі қылмыстық құқық бұзушылық санатынан жалпы ауырлықтағы қылмысқа ауыстырылуда», - деп толықтырды Өскембаев.

Ішкі істер министрлігі Әкімшілік Кодекстің 408-бабынан ескертуді алып тастап, екінші бөлігі үшін айыппұлды 10-нан 20 АЕК-ке дейін арттыру қажет деп санайды.