Қазақстанда екі жаңа министрлік пайда болады

Білім және ғылым министрі Асхат Аймағамбетов өзінің министрлігінің екіге бөлінетіндігі туралы айтты.

Бұл туралы министр журналистердің сұрақтарына жауап беру кезінде айтты.

– Енді бұл шешімді өте тиімді жүзеге асыру міндеті тұр. Өйткені ең бастысы білім мен ғылым жүйесінің тиімділігі. Біз қажетті жұмыстарды атқарамыз, – деді министр.

Оның айтуынша, министрлікті бөлу туралы шешім қазірдің өзінде қабылданған.

– Шешімді бәріңіз естідіңіздер. Шешім бар, қабылданды, соған сәйкес қабылданды. Енді осы шешімнің орындалуын ойлауымыз керек. Бұдан білім беру жүйесі тиімді болуы үшін. Сондықтан енді соған жұмыс істейтін боламыз.

Тиісті шешімді кім қабылдайтынын нақты реттейтін (министрлікті бөлу процесі туралы) заңнама бар. Бұл ретте дәл үкімет деңгейінде және ел басшылығы деңгейінде бұл министрліктерді құрудың құрылымы, нақты жобасы туралы шешім қабылданады. Сондықтан тиісті деңгейде шешім қабылданып, мұның барлығы одан әрі жұртшылықтың назарына жеткізіледі деп ойлаймын, – деп қосты білім және ғылым министрлігінің басшысы.

Еске салсақ, Тоқаев білім және ғылым министрлігін екіге бөлуді ұсынды: білім министрлігі және жоғары білім және ғылым министрлігі.

Алматыда Ұлттық ғылым академиясының 75 жылдығына арналған сессияда сөз сөйлеген президент Қасым-Жомарт Тоқаев Білім және ғылым министрлігін екі ведомствоға бөлуді ұсынды.

– Елдегі ғылыми қызметті үйлестіруді күшейту үшін тиісті министрлікті екіге бөлу керек деп есептеймін. Олардың бірі жоғары білім және ғылым мәселелерімен айналысады, – деді Тоқаев 1 маусымда.