Қазақстанда екі атом электр станциясы салынады

Қазақстан үкіметі атом электр станциясын салу мәселесін зерделеуді жалғастыруда және екі аймақты қарастырып жатыр.

Бұл туралы Orda.kz хабарлады.

– Біз екі нұсқаны қарастырып жатырмыз. Біреуі – Алматы облысындағы Үлкен ауылы, екіншісі – Семей ядролық сынақ полигоны орналасқан Курчатов қаласы, - деді Энергетика министрі Нұрлан Ноғаев брифингте.

Ол 2021 жылы тараптар Семей ядролық сынақ полигоны аумағын зерттеуді толығымен аяқтайтынын еске салды. Сол бойынша адамдарға қай жерлерді игеруге болатыны белгілі болады.

Энергетика министрлігі атом электр станциясын салу мәселесін зерттеп жатыр, бірақ Президенттің тапсырмасы бойынша қоғамдық пікірді және стансаның елге әсерін зерттеу қажет.

– Шешім әлі қабылданған жоқ. Ел президенті Қасым-Жомарт Тоқаев мәжбүрлеудің де, артта қалудың да қажеті жоқ деп атап өтті. Сондықтан, біз қоғамдық пікірді ескере отырып, мүмкін болатын тәуекелдерді, артықшылықтар мен қиындықтарды жан-жақты қарастыруымыз керек. Содан кейін шешім қабылданады. Әзірге ешқандай шешім жоқ, - деді ол.

Ноғаев ең алдымен билік қоғамдық пікірмен санасады деп сендірді.