Қазақстанда ең жоғары жалақы алатын мамандар аталды

HeadHunter Kazakhstan hh.kz сайтындағы жұмыс берушілердің ұсыныстары мен үміткерлердің түйіндемесін талдау негізінде ең көп жалақы алатын мамандар тізімін жасады.

Бұл туралы Orda.kz хабарлайды.

— HeadHunter компаниялар тобының базасында 2021 жылдың тамызындағы жағдай бойынша өтініш берушілердің үш миллионнан астам түйіндемесі мен 32 мыңнан астам бос орын бар. Бірінші жартыжылдықтың қорытындысы бойынша hh.kz сайтының деректері негізінде Қазақстандағы ең көп жалақы алатын 10 кәсіби сала анықталды, - делінген хабарламада.

Рейтингтің бірінші қатарында менеджмент, құрылыс және жылжымайтын мүлік, ақпараттық технологиялар тұрды. Жалпы, жоғары жалақы төленетін кәсіби салалар тізімі мынадай:

Менеджмент - 410 975 теңге;

Құрылыс, жылжымайтын мүлік - 289 410 теңге;

Ақпараттық технологиялар, интернет, телеком - 284 457 теңге;

Кеңес беру - 276 365 теңге;

Шикізат өндіру - 272 810 теңге;

Сату - 224 882 теңге;

Сақтандыру - 224 842 теңге;

Адвокаттар - 224 674 теңге;

Мемлекеттік қызмет, коммерциялық емес ұйымдар - 216 045 теңге;

Персоналды басқару, тренингтер - 213 860 теңге.