Қазақстанда дәрі-дәрмектер 5 пайызға қымбаттады

Қазақстанда дәрі-дәрмектер бір жыл ішінде 5 пайызға қымбаттады.

Бұл туралы Orda.kz energyprom.kz сайтына сілтеме жасап хабарлайды.

Фармацевтикалық өнімдердің бағасы 2021 жылдың маусымында өткен жылдың маусымымен салыстырғанда 4,8 пайызға өсті. Бағаның ең жоғарғы өсімі Маңғыстау облысында байқалады - 18,6 пайыз, сондай-ақ Нұр-Сұлтанда (10,9 пайыз) және Ақмола облысында (10 пайыз) дәрі-дәрмектер қымбаттаған.

Бірінші жартыжылдықта Қазақстан 99,3 миллиард теңгенің дәрі-дәрмектерін өндірді. Жылдағы нақты өндіріс өсімі 31,2 пайызды құрады. Дәрінің көп бөлігі Қарағанды ​​облысында өндірілген.

Басқа елдерден жыл басынан мамырға дейін Қазақстанға 9,7 мың тонна дәрі-дәрмек әкелінген, бұл бір жыл бұрынғыдан 22,3 пайызға аз.