Қазақстанда дәретхана қағазы қымбаттады

Бір жыл ішінде Қазақстанда дәретхана қағазы 6%-ға қымбаттады.

Бұл туралы Orda.kz хабарлайды.

2021 жылдағы сегіз ай ішінде елімізде 56,8 млрд теңгеге қағаз және қағаз өнімдері шығарылды. Бұл өткен жылмен салыстырғанда 5,4%-ға көп. Сектордағы өнеркәсіптік өндірістің нақты өсімі 3,7%құрады, - деп көрсетілген Energyprom.kz зерттеуінде.

Өндірістің ең көп көлемі Алматы облысына тиесілі болды: 19,3 млрд теңге. ТОП-3-ке Алматы қаласы (16,9 млрд. теңге) мен Шымкент (5,3 млрд теңге) кіреді.

Айта кету керек, Қазақстан макулатура мен қағазды экспорттауға тыйым салуды қайта енгізгісі келеді. Бұйрықтың жобасы ішкі нарықта дайын өнімнің құнын төмендету үшін қайта өңделетін қағазды немесе картонды (макулатура мен қалдықтар) отандық түрлендірушілерді қолда бар шикізатпен қамтамасыз ету мақсатында әзірленді.

– Ағымдағы жылдың қыркүйек айының соңында дәретхана қағазының жыл сайынғы өсімі 5,9 пайызды құрады. Аймақтық жағдайда бағаның ең жоғары өсуі Жамбыл (11,9%), Шығыс Қазақстан (10,8%) және Атырау (9,1%) облыстарында байқалды, - деп жазды сарапшылар.

А4 форматындағы қағаз да бір жыл ішінде 5,8% -ға қымбаттады. Бағаның өсімі Атырау (жылына 17,6%), Ақмола (12,2%) және Қызылорда (12,1%) облыстарында тіркелді.