Қазақстанда Цифрландыру министрлігінің міндеттері кеңейтіледі

Қазақстанда Цифрлық даму, инновациялар және аэроғарыш өнеркәсібі министрлігінің міндеттерін  кеңейтуге дайындық жүріп  жатыр.

Үкімет қаулысының жобасына сәйкес, МКҚАЖ туралы ережедегі  15-тармақ (министрліктің міндеттері) мынадай мазмұндағы тармақшалармен толықтырылсын:

66-2) орталық және жергілікті мемлекеттік органдарда цифрлық трансформацияны және бизнес-процестерді реинжинирингтеуді үйлестіру;

66-3) мемлекеттік ақпараттандыру объектілерін интеграциялау мәселелері бойынша шешімдер қабылдау;

206-1) есептер мен көрсеткіштердің (салалық деректердің) тізілімін бекіту;

206-2) орталық және жергілікті мемлекеттік органдарда бизнес-процестердің реинжинирингін жүзеге асыру қағидаларын бекіту;

206-3) орталық және жергілікті мемлекеттік органдардың бизнес-процестерді реинжинирингтеу әдістемесін бекіту.

Түзетулер негіздемесіне сәйкес, Цифрландыру министрлігінің міндетін кеңейту Президенттің 13 сәуірдегі «Мемлекеттік аппарат қызметін бюрократиясыздандыру шаралары туралы» жарлығын іске асыру үшін қажет.