Қазақстанда ҰБТ-ға тегін дайындау басталды

Сегізінші желтоқсаннан бастап ҰБТ басталғанға дейін ірі республикалық білім орталықтары тікелей эфирде тегін онлайн сабақ өткізеді. Олардың көмегімен түлектер әр пән бойынша тестілеуге дайындала алады. Бұл туралы Ұлттық тестілеу орталығы хабарлады.

Ұлттық тестілеу орталығы онлайн сабақ кестесін ұсынды. Барлық сабақ сақталады.

Qazbilim күнделікті Qazbilim.tv YouTube арнасында сағат 20.00-де қазақ тілінде тікелей эфирде сабақ өткізеді.

Educon Dostyk - әр сейсенбіде сағат 19.00-де қазақ тілінде, ал 20.00-де орыс тілінде YouTube-тегі Dostyk Bilim арнасында тікелей эфирде сабақ өткізеді.

Zerdeli - әр сейсенбі және бейсенбі күндері сағат 20.00-де Zerdeli.kz YouTube арнасында тікелей эфирде сабақтар өткізеді.

Sabaq online - әр сенбіде сағат 15.00 YouTube Sabaq онлайн тікелей эфирінде сабақтар өткізеді.

Самға - жұма күні сағат 20.00-де YouTube-тегі Samga каналында онлайн сабақтар өткізеді.

Дарын онлайн - әр сейсенбі, сәрсенбі, бейсенбі және жұма күндері сағат 18:00-де Daryn online YouTube арнасында тікелей эфирде сабақтар өткізеді.