Бірыңғай білім беру онлайн-платформасы іске қосылады

Сәуір айында Қазақстанда бірыңғай интеграцияланған білім беру онлайн-платформасы іске қосылады, деп хабарлады премьер-министр Асқар Мамин. Бұл туралы ORDA хабарлады.

Президенттің тапсырмасы бойынша бірыңғай интеграцияланған білім берудің онлайн-платформасын Білім министрлігі жасаған. Жүйе білім беру процесінің барлық қатысушылары үшін бірыңғай авторизация терезесі болады. Мұнда сабақты жоспарлаудан бастап, оқушыларды бағалау мен үй тапсырмасына дейін қамтылады.

Барлық мектептерді қамтитын бірыңғай интеграцияланған білім берудің онлайн-платформасын іске қосу ағымдағы жылдың сәуір айынан бастап жүзеге асырылады.

– Білім беру қызметтерін іске асыру үшін жеке деректерді өңдейтін интернет-платформаларда ақпараттық қауіпсіздік сертификаты болуы керек.

Маминнің айтуынша, қазір 6 174 мектеп (83%), 362 892 мұғалім (99%), 3 131 598 оқушы (85,3%), 2 465 873 ата-ана Күнделік ААЖ-ға қосылған.

Сондай-ақ, білім беру ұйымдары «BilimLand», «Daryn.Online», «Сфера» сияқты ақылы ақпараттық жүйелерді қолданады.