Қазақстанда бір жыл ішінде 6 млн адамға вакцина егу жоспарланған

Қазақстанның денсаулық сақтау министрлігі жүргізіліп жатқан вакцинацияны ескере отырып, ағымдағы жартыжылдықтың соңына дейін елдегі эпидемиологиялық жағдайдың болжамын қалыптастырды.

Бұл туралы 1 наурызда Денсаулық сақтау министрі Алексей Цой ведомствоның 2020 жылғы қызметінің қорытындылары мен 2021 жылға арналған міндеттері жөніндегі кеңейтілген алқа отырысында хабарлады

– Қазақстанда жеке әзірлеушілердің, сондай – ақ вакциналарды өндіруге арналған оқшауландырылған алаңдардың болуы - вакцинаны қамтамасыз етумен байланысты тәуекелдерді барынша азайтуға және республикамыздағы эпидемиологиялық ахуалды тұрақтандыруға айтарлықтай әсер етуге мүмкіндік береді. 2021 жылы біз 6 миллионнан астам адамға вакцина егуді жоспарлап отырмыз.

2 мыңнан астам медицина қызметкері КВИ-ге қарсы вакциналау тактикасын, оның қауіпсіздігі мен тиімділігін қамтамасыз етуді үйретті.

Цой оптимистік және шынайы болжам бойынша жаппай вакцинация, маска режимін қамтамасыз ету, сондай-ақ әлеуметтік қашықтықты сақтау елдегі эпидемиологиялық жағдайды тұрақтандыруды қамтамасыз етуі керек екенін атап өтті. Бұл өзін-өзі оқшаулау мен карантинге балама болуы керек.

Қазақстанда коронавирусқа қарсы жаппай вакцинация 1 ақпанда басталды.