Қазақстанда бала туу деңгейі бір жыл ішінде 8%-ға өсті

Қазақстанда 2021 жылдың бірінші тоқсанында 100,5 мың бала дүниеге келді. 2020 жылмен салыстырғанда жаңа туылған нәрестелер саны 8,4% өсті.

Бұл туралы Orda.kz ranking.kz-ке сілтеме жасап хабарлады.

Мысалыға, 2019 және 2020 жылдардағы бірінші тоқсанда елде 91,9 мың және 92,7 мың бала дүниеге келді.

Сарапшылардың айтуынша, елдегі бала туу өсімі 2020 жылдың үшінші тоқсанында басталған. Карантин кезінде Қазақстанда барлығы 425 мыңнан астам бала дүниеге келді, бұл 2019 жылмен салыстырғанда 6% артық.

Соңғы мәліметтер бойынша, Қазақстан халқы 18,94 млн адамды құрайды.

2020 жылдың желтоқсанында Алматыда туу коэффициентінің күрт өсуі 2021 жылы күтілетіні туралы хабарланды. Сарапшылар мұндай болжамды екі факторға сүйене отырып жасады: мемлекеттік төлемдер көлемінің ұлғаюы және ЭКО үшін квота саны.