Қазақстанда қант қажетті мөлшерден  асады  – Смайылов

Премьер-Министр Смайылов әлеуметтік маңызы бар азық-түлік тауарларының бағасын ұстау мәселелері бойынша кеңес өткізді.

Ол  сондай-ақ өңірлерде 15 пайыздық сауда үстемесіне бақылауды күшейткен жөн екенін түсіндірді. Жиын аясында халықты алаңдататын тақырып  – қант тапшылы мен оның бағасы туралы да айтылды.

— Ауыл шаруашылығы министрлігінің мәліметінше, қант қоры 100 мың тоннадан астам болса, ай сайынғы тұтыну  59 мың тоннаны құрайды. Бұл жеткілікті. Бірақ, сонымен қатар, кейбір сауда орындарында қант 700-800 теңгеден сатылуда. Бұл асығыс сұранысты пайдаланып, қосымша пайда тауып отырған жеке тұлғалардың заңсыз кәсіпкерлік қызметі нәтижесінде орын алып отыр. Жалпы, қанттың орташа бағасы шамамен 480-490 теңге/кг болуы керек. Мұнымен күресу керек, - деді ол.

Ал, елде жыл басынан бері пияз, қырыққабат, қант, картоп, сәбіз және қарақұмық бағасының қымбаттауы белең алды. Өңірлер арасында бағаның ең жоғары көтерілуі Жамбыл және Маңғыстау облыстарында – 18,7%, Алматыда – 18,6%, Нұр-Сұлтан мен Алматыда – 18,5%, Шымкентте – 18% байқалды.

Сауда комитетінің төрағасы Ержан Қазанбаев мұндай жағдай (азық-түлік бағасының өсуі – ред.) көршілес елдердің нарығында да байқалатынын нақтылады. Ол мысал ретінде жыл басынан бері азық-түлік бағасы Ресейде  40 пайызға, Өзбекстанда 48 пайызға өскен айтты.

Халық арасындағы шиеленісті қандай да бір жолмен азайту және кәсіпкерлердің жағдайды пайдаланып  «ақша табу» мүмкіндігін азайту үшін шара қабылдау керек. Қазанбаев электрондық шот-фактура деректерін монополияға қарсы органдар мен жергілікті атқарушы мекемелерге  беруге мүмкіндік беретін мемлекеттік органдардың бірлескен бұйрығын әзірлеуді ұсынды. Атқарушы органдар тауар бағасын  асырып жіберу фактілерін анықтап, заңда көзделген шараларды қабылдауы тиіс.