Қазақстанда қандай қылмыскерлер педофилдерге теңестіріледі?

ҚР ІІМ Қылмыстық-атқару жүйесі комитетінің төрағасы Жанат Ешмағамбетов пробация қызметі электронды білезіктердің көмегімен бақылайтын адамдар тобын атап өтті.

– Қадағаланатын тұлғаларды бақылаудың электрондық жүйелерін қолдану халықаралық тәжірибеге негізделетін болады, - деді ол.

Оның айтуынша, комитет қызмет көрсету үлгісін шешіп қойған және қажетті конкурстық процедуралардан кейін 2022 жылы 2500 құрылғы жалға беріледі.

– Біріншіден, олар кәмелетке толмағандардың жыныстық қол сұғылмауына қатысты қылмыс жасаған тұлғаларға қолданылады. Бізде 330-ға жуық адам бар. Тағы бір санат - пробациялық бақылауда тұрған, оның шарттарын орындамай, бақылау кезінде белгілі бір бұзушылықтарға жол берген адамдар, - деп нақтылады Жанат Ешмағамбетов.

Оның айтуынша, электронды білезіктер нақты уақыт режимінде қадағаланушының қайда екенін, оның әрбір жағдайда сот белгілеген шарттарды орындайтын-орындамайтынын көруге мүмкіндік береді.

Бұл ретте ол қадағаланатын тұлғалар тарапынан бұзушылықтар анықталған жағдайда, КУИС заңға сәйкес бұрын қолданылған жаза түрін бас бостандығынан айыруға өзгерту туралы өтініштер дайындауға құқылы екенін еске салды.