Ұлттық статистика бюросы сәуір айында Қазақстанда қандай өнімдер мен қызметтердің қымбаттағаны туралы мәліметтер жариялады, деп хабарлады Orda.kz.
Хабарламаға сәйкес, бағасы ең көп қымбаттаған алғашқы үштікке қызылша, картоп және сәбіз кірді. Олар 17,1%, 12% және 10,5% -ға қымбаттады. Сәуірде қияр 9,6%, апельсин 1,5%, қызанақ 1,1%, күріш 0,6%-ға төмендегені байқалды.
Азық-түлік емес тауарлардың ішінде баға өсімі бойынша көшбасшы бензин (6%), екінші орында тұрмыстық техника (2%), үшінші орында жеке тауарлар, шыны және керамикалық бұйымдар мен құрылыс материалдары (әрқайсысы 0,7%).
Қызметтерге қатысты сәуірдегі бағаның көтерілуінде монша (1,9% -ға өсті), одан кейін санаторийлер (1,8%), мектепке дейінгі мекемелер (1,2%) қызметтері көш бастады.
Ұлттық статистика бюросы теміржол жолаушылар көлігінің бағасы 0,8%-ға, әуе көлігі – 0,9%-ға, ал тұрғын үй-коммуналдық шаруашылық саласында қоқысты жинау коэффициенті 1,2%-ға өсті деп толықтырды.
