«Алтын белгіге» қойылатын талаптар күшейеді

Қазақстанда «Алтын белгі» төсбелгісін ақтауға қойылатын талаптар күшейтіледі.

Бұл туралы Orda.kz хабарлайды.

Білім және ғылым министрі Асхат Аймағамбетов мұғалімдердің республикалық тамыз конференциясында «Алтын белгі» төсбелгісіне қойылатын талаптардың күшейетін айтып, мысал келтірді.

– Келесі жылдан бастап «Алтын белгі» төсбелгісін ақтауға қойылатын талаптар күшейтіледі. Біз оларды жыл сайын кезең-кезеңімен қайта қарастырамыз. Өздеріңіз білесіздер. Былтыр бұл мәселені көтердік өзгерістер енгіздік.

Биыл екінші кезең. Онда талапкерлер тек жылдың соңында ғана емес, сонымен қатар әр тоқсанда 5-11-сыныпқа дейін бес болуы керек. Мұндай талап енгізіліп жатыр, менің ойымша, бұл маңызды талап, - деді министр Аймағамбетов.

Айта кетеік, бұған дейін министр Асхат Аймағамбетов жаңа оқу жылындағы міндеттер туралы айқан еді.