Қазақстанда қай елдердің вакцина паспорты жарамды?

Еліміздің бас мемлекеттік санитарлық дәрігері Ерлан Қиясовтың тағы бір қаулысында Қазақстанда вакцина паспорты жарамды елдердің тізімі жарияланды.

Қаулыда Таиланд, Моңғолия, Грузия, Қырғыз Республикасы, Молдова Республикасы және Түркия Республикасының вакцина паспорттары Қазақстан аумағында жарамды екені көрсетілді.

— Осы қаулымен бірге берілген, 3-қосымша бойынша, құжаттардың үлгілеріне сәйкес Мажарстан, Таиланд, Моңғолия, Грузия, Қырғыз Республикасы, Молдова Республикасы және Түркия Республикасы азаматтарының паспорттары/ сертификаттары/, анықтамалары Қазақстан Республикасы аумағында жарамды деп танылсын, – делінген құжатта.

Құжаттың толық мәтінімен мына сілтемеден танысуға болады.

Еске салсақ, Бас санитар дәрігердің бұған дейінгі қаулысы бойынша вакцина алмаған қызметкерлер жұмысқа жібермеуге міндеттелген.