Қазақстанда 313 мыңнан астам адам екпе салдырды

Қазақстанда бүгінгі күнге дейін –  313 611 адам коронавирус инфекциясына қарсы вакцинаның алғашқы дозасын алды, деп хабарлады Денсаулық сақтау министрлігі.

Екпе  қабылдаған адамдардың ең көбі Алматы қаласында болса,  ең азы  Маңғыстау облысында тіркеліп отыр.

Ал екпенің екінші дозасын еліміз бойынша – 104 889 тұрғыны салдырған.

Рейтингтік көрсеткіш тізбегі бойынша:

Алматы қаласы бойынша  –  69 690 адам екпенің  бірінші дозасын, ал – 14 328 адам ​​екінші дозасын алды.

Одан кейінгі орында тұрған Түркістан облысында  – 28 897 адам  бірінші, 11 569 адам  екінші дозасын салдырған.

Нұр-Сұлтан қаласында –  28 341  адам алғашқы дозаны, 8 606 адам екінші доза қабылдаған.

Екпе салдырғандардың ең азы – Маңғыстау облысында тіркелген. Бұл өкірдегі көрсеткіш бойынша  6 691 адам  бірінші доза алса,  1 072 адам екеуін де салдырған.