Қазақстанда құлдықта болған азаматтың отбасы мәлімдеме жасады

Ресей Федерациясы Ярославль облысының омбудсмені Сергей Бабуркин Қазақстанда 20 жыл құлдықта болған Ресей азаматының отбасымен кездесті.

Полиция департаменті бастығының орынбасары Абиль Абильдин құл иеленушінің ұсталғанын хабарлады.

Омбудсмен Ярославль облысында табылған Котовтың отбасымен сөйлесті. Туыстары Алексейдің училищені бітіріп, 1995 жылы әскерге кеткені туралы айтты. Алдымен Ресейде, содан кейін Қазақстанда қызмет етті. Әскерден қайтқаннан кейін ол қысқа уақытқа үйге оралды. Содан кейін келісімшарт бойынша Қазақстанға қызмет етуге кетті.

– Олардың айтуынша, ол қайтып келе жатқанда, вокзалда ұрып-соғып, ұстап алып, ферманың қожайынына берілді. Мен оның сол жерден шығуға құжаттары мен ақшасы жоқ екенін түсіндім, – деді Сергей Бабуркин.

Ярославль облысының тумасы Алексей Котов вокзалда ұрып-соғылғаннан кейін 20 жыл бойы Қазақстанда құлдыққа түскен.

Барлық мән-жайларды тексеру мақсатында Қазақстандағы Ресей елшілігінің бейінді бөлімшелерінің қызметкерлері Қарағанды облысына жіберілді. Ресейлік дипломаттар да мәліметтерді анықтауға қосылды.

Естеріңізге сала кетейік, жақында әлеуметтік желі қазақстандық қыстақтардың бірінде кезекті құлдың табылғандығы туралы жаңалық шыққан болатын. 44 жастағы Алексей Котов 20 жылын Қарағанды облысының Шет ауданында тұтқында өткізгенін мәлімдеді. Сондай-ақ, ол Ресейдің Ярославль облысында дүниеге келгенін айтты.

Айта кету керек, 1995 жылдан бастап Қазақстан мен Ресей келісім-шарт бойынша Қазақстан Республикасының Қарулы Күштерінде Ресей Федерациясы азаматтарының әскери қызметі туралы келісім жасасты. Қазіргі уақытта құжат күші жойылды.