Қазақстан жосықсыз бәсеке анықтамасын қайта қарады

Жосықсыз бәсеке тұжырымдамасы қайта қаралды. Бұл Кәсіпкерлік кодекстің 177-бабының 1-тармағында көрсетілген, деп хабарлайды Бәсекелестікті қорғау және дамыту агенттігі.

Осылайша, нарық субъектісі әрекетін жосықсыз бәсеке деп тану үшін олардың заңсыз артықшылықтар алуға бағытталғаны ғана жеткіліксіз.

Енді заңсыз әрекеттермен бәсекелестердің іскерлік беделіне нұқсан келтіру немесе зиян келтіру (соның ішінде әлеуетті) де міндетті шарт болады.

Яғни, субъектінің іс-әрекеті оның бәсекелестеріне бағытталмаса, оларға зиян келтірмесе және іскерлік беделіне нұқсан келтірмесе, мұндай әрекеттер жосықсыз бәсекелестік болып саналмайды.

Жаңа басылым 2022 жылдың 6 наурызынан бастап қолданысқа енгізіледі.