Қазақстан Қытайды тұрақты рейстерді қалпына келтіруге шақырды

Қазақстан-Қытай ынтымақтастық жөніндегі комитетінің 10-шы отырысы өтті. Ынтымақтастық комитеті отырысында жүк тасымалдау мәселелері талқыланды.

Қазақстан үкіметінің баспасөз қызметі хабарлағандай кеше бейнеконференция  форматында Қазақстан Республикасы Премьер-Министрінің Бірінші орынбасары Әлихан Смайылов пен ҚХР Мемлекеттік Кеңесі Премьер-Министрінің орынбасары Хань Чжэннің тең төрағалығымен Қазақстан-Қытай ынтымақтастық жөніндегі комитетінің 10-шы отырысы өтті.

Талқыланған негізгі тақырыптардың бірі жүк тасымалдауға қолайлы жағдай жасау болды. Әлихан Смайылов қолданыстағы шекаралық өткелдердің өткізу қабілетін арттырып, әлі де жабық тұрған «Қалжат-Дулаты» және «Майқапшағай-Зимұнай» автомобиль өткізу бекеттерінің жұмысын қалпына келтіруді ұсынды.

Сонымен қатар, Әлихан Смайылов «Достық-Алашаңқай» және «Алтынкөл-Қорғас» стансаларында Қазақстаннан келетін жүк пойыздарының санын тәулігіне 18 бірлікке дейін арттыруды, сондай-ақ барлық жүктерді қабылдауға шектеулерді алып тастауды ұсынды. Қазақстандық тарап Қазақстан Республикасы азаматтарына, оның ішінде студенттерге кіру визаларын беруді қалпына келтіруді, сондай-ақ Қазақстан мен Қытай арасындағы тұрақты әуе рейстерін қалпына келтіруді ұсынды.

Кездесу нәтижесінде Қазақстан мен ҚХР арасындағы тауар айналымын арттыру бойынша белсенді жұмыс жүргізу туралы келісімге қол жеткізілді.

Сондай-ақ отырыс барысында тараптар қауіпсіздік, кеден, көлік, теміржол, сауда-экономикалық, су шаруашылығы, энергетика, ғылыми-техникалық, қаржылық, мәдени-гуманитарлық, экология және геологиялық ынтымақтастық жағдайын тылқылады.

Кездесу қорытындысы бойынша Хаттамаға қол қойылды.