Қазақстан Украинадағы жағдайды «соғыс» деп атады

Қазақстан президенті әкімшілігі басшысының орынбасары Украинадағы жағдайды «соғыс» деп атады.

Қазақстан Республикасы Президенті Әкімшілігі Басшысының бірінші орынбасары Тимур Сүлейменов еуропалық Euractiv басылымына берген эксклюзивті сұхбатында Қазақстан АҚШ пен ЕО-ның Ресейге қарсы санкцияларын айналып өту құралы бола алмайтынын айтты.

Қазақстан Президенті Әкімшілігі Басшысының бірінші орынбасары Тимур Сүлейменов Euractiv-ке берген эксклюзивті сұхбатында Батыс санкцияларының Қазақстанға әсері, қаңтардағы тәртіпсіздіктерден кейін модернизацияға ұмтылу және өзгерген геосаяси тепе-теңдік туралы айтып, жағдайға тоқталды.

Президент Әкімшілігі басшысының бірінші орынбасары Тимур Сүлейменов Euractiv редакторы Георгий Готевке берген сұхбатында Украинадағы әскери қақтығысқа қатысты пікір білдірді.

— Бізде әр нәрсені  орнымен атауға еш қиындық жоқ. Ресей «соғыс» сөзіне тыйым салатын заң шығаруды ұйғарды. Олар мұны арнайы әскери операция деп атайды. Бірақ Қазақстанда біз оны қалай бар, солай атаймыз, – дейді Тимур Сүлейменов.

Оның айтуынша, Ресей «біздің олар жағында болғанымызды қалайды, бірақ Қазақстан Украинаның аумақтық тұтастығын құрметтейді».

— Біз Қырымдағы жағдайды да, Донбастағы жағдайды да мойындамадық және мойындамаймыз, өйткені БҰҰ оларды мойындамайды. Біз Біріккен Ұлттар Ұйымы деңгейінде қабылданған шешімдерді ғана ұстанатын боламыз, – деді Тимур Сүлейменов.

Дегенмен, Қазақстан Ресейге инвестиция салуды және Ресей үшін инвестиция тартуды жалғастырады. Оның айтуынша, санкцияланған тауарларды бақылау үшін қолдан келгеннің барлығы жасалып жатыр.

— Біз Қазақстанда санкцияға ұшыраған тұлғаның немесе ұйымның кез келген инвестициясын бақылауға бар күшімізді саламыз және мұны еуропалықтарға ашық жеткізгіміз келді, - деді Тимур Сүлейменов.

Оның айтуынша, Қазақстан Азия мен Батыс өркениеттері ортасында. Президент ұсынған реформалар еуропалық және демократияшыл. Тимур Сүлейменов үш-бес жылдан кейін Еуропа авторитарлық Азиямен емес, Қазақстан мен Нидерланды, Франция, Польша немесе Еуроодақтың басқа елдері сияқты елдерден әлдеқайда ұқсастық табады деп үміттенеді.