Қазақстан туын ұстап, ұлттық киіммен шықса да, Канада әнұранымен таныстырылды

Мексикадағы бокс кешін ұйымдастырушылар Қазақстанның әнұранын шатастырды. Қазақстан атынан Садриддин Ахмедов шықты. Ол Нидерландылық Стивен Даньомен жұдырықтасты, деп хабарлайды ORDA.

Төбелес алдында Қазақстан әнұраны орнына Канада әнұраны қойылды. Өкінішке қарай, Ахмедов Қазақстан туын ұстап, ұлттық киіммен шықса да Канада әнұранымен таныстырылды.

Спортшылар жекпе-жекке бірінші орта салмақтағы үш белбеу: WBA Continental, NABF және WBC Francophone үшін жұдырықтасты. Он раундқа жоспарланған ойын уақытында, ешбір кедергісіз өтті.

 Ахмедов судьялардың оң шешімімен айқын басымдықтағы  жеңімпаз деп жарияланды. Жекпе-жек соңында спортшы ұйымдастырушыларға наразылығын білдірді.

«Иә, осындай ыңғайсыздық болды. Бәлкім, мен Канадада жаттығып жүргендіктен болар, ұйымдастырушылар шатасып, сол елді таныстырады деп қалған сияқты. Әрине, бұл жергілікті жарнаманың  немқұрайлылығы. Мен өз наразылығымды білдірдім. Ең бастысы, ұлттық қазақ шапанын киіп рингке шықтым, шапанымды біздің туымыз бейнеленген. Менің жеңісімнен кейін мексикалықтар Қазақстан туралы көбірек білетін болар. Ең бастысы - жеңіс біздікі! Үш белдікті  жеңіп, елдің туын көтердім!», - деді Ахмедов.

Ахмедов Мексикада алғаш рет жекпе-жекке шыққан. Ол өткен он жекпе-жегін Канадада, тағы бір жекпе-жегін Қазақстанда өткізді. Әлі жеңіліп көрмеген қазақстандықтың бұл 12-ші жеңісі.