Бұрынғы вице-министр лауазымды қызметке тағайындалды

Қазақстан темір жолы «ҰҚ» АҚ Басқарма Төрағасының трансформация және цифрландыру жөніндегі бірінші орынбасары қызметіне бұрынғы вице-министр Әнуар Ахметжанов тағайындалды.

Бұл туралы Orda.kz хабарлайды.

ҚТЖ баспасөз баянында Әнуар Ахметжановтың цифрлық даму саласында мол тәжірибесі бар екендігі және мемлекеттік қызметте жұмыс істегені айтылды.

– Әнуар Ахметжановтың цифрлық даму саласында мол тәжірибесі бар. «Самұрық-Қазына» АҚ портфельдік компанияларында және мемлекеттік қызметте жауапты лауазымдарды атқарған. «ҚТЖ» ҰК» АҚ қызметке тағайындалғанға дейін ҚР цифрлық даму, инновациялар және аэроғарыш өнеркәсібінің бірінші вице-министрі және жауапты хатшысы болды, делінген ҚТЖ баспасөз баянында.

Айта кетейік, Әнуар Ахметжанов «Қазақойл», «ҚазМұнайТеңіз», «ҚазМұнайГаз» компанияларында жұмыс істеген, Қарағанды облысы әкімінің орынбасары, Президент Әкімшілігінің мемлекеттік бақылау және өңірлік-ұйымдастыру жұмысы бөлімінің мемлекеттік инспекторы болған.

2016 жылдан бастап ҚР Цифрлық даму, инновациялар және аэроғарыш өнеркәсібі министрлігінің жауапты хатшысы болып қызмет атқарды.

Ал 2020 жылдың қазан айынан бастап қазіргі уақытқа дейін ҚР цифрлық даму, инновациялар және аэроғарыш өнеркәсібі бірінші вице-министрі болып жұмыс істеді.