Қазақстан «Талибан» қозғалысын мойындады ма? – СІМ жауабы

Сыртқы істер министрінің орынбасары Ақан Рахметуллин Сыртқы істер министрлігінің Ауғанстандағы жағдайға қатысты ұстанымы туралы айтты.

Бұл туралы Orda.kz хабарлайды.

– Біз «Талибанды» мойындамадық (бұл ұйымға Қазақстанда тыйым салынған). Өздеріңізге белгілі, кеше Қазақстанның Сыртқы істер министрлігі Ауғанстандағы жағдайға қатысты ресми мәлімдеме жасады. Біз бұл елдегі жағдайды мұқият бақылауды жалғастырамыз, БҰҰ Қауіпсіздік Кеңесінің инклюзивті және өкілетті үкімет құру, әйелдердің құқықтарын құрметтеу, қауіп төндіретін топтардың болуына жол бермеу туралы мәлімдемесін қолдаймыз. Бұл ережелердің орындалуы Ауғанстанның жаңа үкіметімен диалог бастаудың шарты болуға тиіс, - деді министрдің орынбасары ОҚК онлайн-брифингінде.

Оның айтуынша, Ауғанстан азаматтарының өздері мемлекеттік және қоғамдық құрылымның ең оңтайлы моделін анықтауға мәжбүр болады.

– Басқа елдер «Талибанмен» дипломатиялық қарым-қатынасты мойындады немесе орнатты деп айта алмаймыз. Барлығы тәліптердің әрекеті олардың мәлімдемелеріне қаншалықты сәйкес келетінін бақылап отырады, - деп қорытындылады Рахметуллин.