Тәуелсіздіктің 30 жылдығына арналған мерейтойлық медаль бекітіледі

Қазақстанда Республика Тәуелсіздігінің 30 жылдығына арналған мерейтойлық медаль бекітіледі. Ақпарат және әлеуметтік даму министрлігі Президент жарлығының жобасын дайындады, ол ашық нормативтік құқықтық актілер сайтында жарияланған.

— Қазақстан Республикасының Үкіметі Мемлекет басшысының қарауына «Қазақстан Республикасы Тәуелсіздігінің 30 жылдығына арналған мерейтойлық медаль туралы» Қазақстан Республикасы Президентінің жарлығы жобасын ұсыну туралы шешім қабылдады, делінген құжатта.

Мерейтойлық медалдің диаметрі 34 миллиметр. Сары металдан (жезден) жасалған.

Бет жағында «ҚАЗАҚСТАН ТӘУЕЛСІЗДІГІНЕ 30 ЖЫЛ» деген жазуы бар. Мерейтойлық медальдің төменгі жағында ұлттық ою-өрнек бейнеленген.

Медальдің артқы жағында (реверсінде) орталық бөлігінде төрт жолда орындалған «ҚАЗАҚСТАН РЕСПУБЛИКАСЫНЫҢ ТӘУЕЛСІЗДІГІНЕ 30 ЖЫЛ» деген жазуы бар. Ұлттық ою-өрнек элементтері жазудың төменгі және жоғарғы жағында орналасқан.

Мерейтой медаліндегі барлық бейнелер мен жазулар алтын түспен безендірілген.

Мерейтойлық медаль киімге визорлы құлыппен түйреуішпен бекітіледі.

Парламент, үкімет, министрліктер, басқа да орталық мемлекеттік органдар, Нұр-Сұлтан, Алматы және Шымкент қалаларының, облыстардың әкімдері, сондай-ақ қоғамдық ұйымдар Қазақстан Президентіне мерейтойлық медальмен марапаттауға өз ұсыныстарын енгізеді.

Медаль дамуға, мемлекеттілікті қалыптастыруға және ел егемендігін нығайтуға зор үлес қосқан қазақстандықтар мен шетелдіктерге беріледі.

Медалды мемлекет басшысы табыстайды. Оны мемлекеттік хатшы, әкімдер және президент уәкілеттік берген басқа да лауазымды адамдар бере алады.

Мерейтойлық медаль жеке салтанатты жағдайда тапсырылады.