Қазақстан Ресеймен Байқоңырдағы Крайний әуежайынан ұшу туралы келісім жасамақ

Қазақстан Ресеймен «Байқоңыр» кешенінің аэродромына дейін/қайта ұшуды (әуе тасымалы) ұйымдастыру туралы келісім жасасуға ниетті.

«Крайний әуеайлағының ішкі коды (әуеайлақ операторы белгіленген тәртіппен әуеайлаққа IATA кодын береді) Қазақстан Республикасы мен Ресей Федерациясы үшін бірдей. Әуеайлақтың пайдаланушысы Ресей Федерациясының АІП-де Крайний әуеайлағының аэронавигациялық ақпаратын (деректерін) жариялайды және жарияланған ақпараттың толықтығы, сапасы және уақтылылығы үшін жауапты болады.

«Крайний» аэродромының операторы мен Қазақстан Республикасының ААЖ арасындағы аэронавигациялық ақпаратпен (деректермен) алмасу Халықаралық азаматтық авиация туралы конвенцияға «Аэронавигациялық ақпарат қызметтері» ИКАО-ның 15-қосымшасының ережелеріне сәйкес жүзеге асырылады» делінген  «Крайный әуеайлағына дейін/қайтару әуе көлігін ұйымдастыру ережесінде.

Сонымен қатар келісім шеңберінде тараптар келесі ережелерді басшылыққа алатыны көрсетілген:

- Қазақстан Республикасының пункттерінен (қалаларынан) Крайний аэродромына келетін жолаушылар «Байқоңыр» кешеніне бару ережелерін ескере отырып, Қазақстан Республикасына келуге құқығы бар кез келген елдің азаматтары бола алады;

- Крайний аэродромынан Қазақстан Республикасының пункттеріне (қалаларына) ұшатын жолаушылар Қазақстан Республикасына келуге құқығы бар кез келген елдің азаматтары бола алады;

- Ресей Федерациясының пункттерінен (қалаларынан) «Крайний» аэродромына келетін жолаушылар «Байқоңыр» кешеніне бару ережелерін ескере отырып, «Байқоңыр» кешенінде жұмыс істеуге іссапарға жіберілген Ресей Федерациясының азаматтары және/немесе үшінші елдердің азаматтары бола  алады;

- Крайний аэродромынан Ресей Федерациясының пункттеріне (қалаларына) ұшатын жолаушылар Ресей Федерациясының азаматтары және/немесе «Байқоңыр» кешенінде жұмыс істеуге іссапарға жіберілген үшінші елдердің азаматтары бола  алады.

«Байқоңыр қаласына және/немесе «Байқоңыр» кешеніне келетін тұлғалардың оған баруға рұқсаты (арнайы рұқсаттар немесе Ресей Федерациясының уәкілетті органдары берген белгіленген үлгідегі басқа құжаттар) болуы керек»  делінген құжатта.