Қазақстан Ресей экономикасын құтқару үшін 35 млрд теңге жұмсады

Қазақстан Ресей экономикасын санкциялардан құтқаруға 35 миллиард доллар жұмсады, деп есептейді журналист Нұргелді Әбдіғани.

Бұл туралы Orda.kz хабарлайды.

Оның айтуынша, санкциялар Ресей экономикасы үшін қатты соққы. Бұл рубльдің жағдайына айтарлықтай әсер етеді және оны құнсыздандырады.

Автор Ресей Қазақстанды «донор» ретінде пайдаланатынын атап өтті. Бұл ретте Қазақстан экономикасына теріс әсер ететін ЕАЭО маңызды рөл атқарады.

— Қазақстан енді Ресейдің доноры бола алмайды! 2014-2015 жылдары Ресейге қарсы алғашқы санкциялар енгізілген кезде, Қазақстан-Ресейді санкциялар қысымынан құтқарған мемлекет. Неліктен? Сол жылдары Қазақстан теңгені күшпен ұстап тұрды. Бір жыл сегіз ай ішінде біз араласуға 28 миллиард доллар жұмсадық. «2014 жылы Қазақстан интервенцияға 17 миллиард доллар жұмсады» деген ақпарат Дүниежүзілік Банктің есептерінде 2015 жылдың басында пайда болды, – деп атап өтті Әбдіғани.

Оның пікірінше, бұл кезде теңге бір доллар үшін 190 теңге деңгейінде болатын, ал қазақстандықтар Ресейден автокөлік пен жылжымайтын мүлікті жаппай сатып ала бастады. Нарықта ресейлік тауарлар жаппай пайда болды, демек, Қазақстаннан капитал көрші елге ағылды.

Журналист сол кезде Ресей экономикасын құтқару үшін Қазақстан 35 миллиард доллар жұмсады деп санайды.

Авторы: Әсем Гумарова
Аударған: Мұхит Тұрсынәлі