Қазақстан құрамасының босниялықтарға қарсы кездесуі сенсациямен аяқталды

Футболдан Қазақстан ұлттық құрамасы 2022 жылғы әлем чемпионатына іріктеу ойынына Босния және Герцеговина құрамасымен тең түсті.

Бұл туралы Orda.kz хабарлайды.

Ұлттық құрамалардың кездесуі Зеница қаласында өтіп, 2:2 есебімен аяқталды. 62-минутта Исламбек Қуат гол соғып, Қазақстанды алға шығарды.

Кейін Миралем Пьянич пенальтиден гол соғып есепті теңестірді. Негізгі уақыттың аяқталуына төрт минут қалғанда Босния және Герцеговина құрамасы алға шықты: Лука Менало Пьяничтің берген добынан кейін баспен гол соқты.

Алайда, ойынның нүктесін Талғат Байсуфиновтың ойыншылары қойды. Бахтиер Зайнутдинов айып соққысынан гол соғып, есепті теңестірді.