Қазақстан құрамасы Токио Олимпиадасында 8 қола медальді місе тұтты

Сонымен  Қазақстан құрамасы үшін ХХХІІ Жазғы Олимпиада ойындары аяқталды. Құрама бұл Олимпиада ойындарынан 8 қола медаль еншіледі. Токио Олимпиадасы Қазақстан тарихындағы ең төменгі нәтиже көрсеткен байрақты бәсеке болды.

Олимпаиада тарихына көз жүгіртсек сонау  1996 жылдан бері қазақ спортшылары жазғы олимпиададан кем дегенде бір алтын медальсыз қайтпаған еді. 

Сөзіміз дәлелді болу үшін, байрақты бәсекелердің тарихына көз жүгіртіп өтейік:

Атланта - 1996 - 11 медаль
3 алтын, 4 күміс, 4 қола
Әлем бойынша 24 орын
⠀
Сидней - 2000 - 7 медаль
3 алтын, 4 күміс
22 орын
⠀
Афины - 2004 - 8 медаль
1 алтын, 4 күміс, 3 қола
40 орын
⠀
Бейжің - 2008 - 9 медаль
2 алтын, 3 күміс, 4 қола
29 орын
⠀
Лондон - 2012 - 11 медаль
3 алтын, 1 күміс, 7 қола
24 орын
⠀
Рио-де-Жанейро-2016 - 18 медаль

3 алтын, 5күміс, 10 қола
22 орын

Токио-2020 - 8 медаль, барлығы да - қола.

Иә, Қазақстан құрамасы үшін ХХХІІ Жазғы Олимпиада ойындары осымен тәмам. Бұрынғыдай алтын мен күміс медальдарды қанжығалай алмағанымыз рас. Тарих қойнауына еніп бара жатқан Токио Олимпиадасында Қазақстан құрамасы 8 қола медальды місе тұтты.

Токио – 2020 Олимпиадасының қола медаль жүлдегерлері:

Дзюдо - Елдос Сметов 
Ауыр атлетика - Игорь Сон және Зульфия Чиншанло
Бокс - Қамшыбек Қоңқабаев пен Сәкен Бибосынов
Еркін күрес - Нұрислам Санаев
Каратэ - Дархан Асаділов
Каратэ - Софья Берульцева