Қазақстан Pfizer екпесін тасымалдау бойынша келісімшартқа отырған жоқ

ҚР Денсаулық сақтау министрі Алексей Цой Қазақстанға Pfizer вакцинасын жеткізу мәселесі әлі де пысықталып жатқанын айтты.

Бұл туралы Orda.kz хабарлады.

– Pfizer-BioNTech вакциналарын жеткізу жоспарлануда. Қазіргі уақытта тасымалдау, жеткізу кестесі мен келісімшартқа қол қою мәселелері пысықталуда, - деді Денсаулық сақтау министрлігі басшысы үкімет отырысында.

Бұған дейін Алексей Цой вакцина қазан айында жеткізілетінін айтқан. Ол тек балалар мен жүкті әйелдерге қол жетімді болады. 1 қыркүйекте Денсаулық сақтау министрлігі 23 тамызда Pfizer-BioNTech Comirnaty вакцинасы Қазақстанда сегіз айлық мерзімге уақытша тіркеуден өткенін хабарлады.

Еске салсақ, президент өз жолдауында коронавирус инфекциясына қарсы вакциналар сатып алуды жеделдетуді тапсырған. Қазір Қазақстанда ДДҰ-да тіркелген екі вакцина бар: CoronaVac және Vero Cell.