Қазақстан мен Өзбекстан Жібек жолы визасын құруды жоспарлап отыр

Жібек жолы визасы - азиялық Шенген деп аталатын жобаны іске асыру бойынша жұмыстарды осы жылдың аяғына дейін аяқтау жоспарланып отыр.

Бұл туралы Orda.kz sputnik.kz сайтына сілтеме жасап хабарлады.

Мәдениет және спорт министрлігінің айтуынша, бастапқы кезеңде Жібек жолы жобасы Қазақстан мен Өзбекстанды қамтиды.

Silk Road Visa көп реттік электронды туристік визасы туралы ереже және азаматтары осындай визаны қолдана алатын елдердің бірыңғай тізімі келісілген. Виза берудің бірыңғай электронды жүйесін енгізу бойынша келіссөздер жүргізілуде.

– Болашақта «Азия Шенгеніне» Қырғызстан мен Әзірбайжан да енеді деп күтілуде. Silk Road Visa көп реттік электронды туристік визасы бүкіл әлем туристеріне бірден бірнеше елге баруға мүмкіндік береді. Ұсынылып отырған механизм трансұлттық туристік өнім жолындағы кедергілерді жеңуге мүмкіндік береді, деп хабарлады Мәдениет министрлігі.

Жібек жолы жобасы 2020 жылы басталуы керек болатын. Бұл туралы Өзбекстан премьер-министрінің орынбасары айтты.

Еске салсақ, «Азия Шенгенін» құру идеясын 2018 жылдың маусымында Дариға Назарбаева айтқан. 2019 жылы Қазақстанның Сыртқы істер министрлігі бұл мәселе тереңірек зерттеуді қажет ететіндігін мәлімдеді, өйткені тәуелсіз даму жылдарында барлық мемлекеттер кіруді бақылау жүйесін өздері белгілеп, реттеп отыр.