Қазақстан мен Тәжікстан арасындағы тауар айналымы 2 млрд доллар

Алдағы жылдары Қазақстан мен Тәжікстан арасындағы тауар айналымы екі млрд долларға жетуі керек.

Бұл туралы Orda.kz хабарлады.

Сауда және интеграция министрі Бақыт Сұлтанов елдер арасындағы өзара тауар айналымы 3,7% артқанын айтты.

– Өткен жылы пандемияға қарамастан, біздің өзара сауда айналымымыз 3,7 пайызға - 791 млн долларға дейін өсті, сонымен бірге біздің экспорттың өсімі 6 пайыздан асып, 693 млн долларға жетті. Ал олардан біз негізінен кен концентраттары мен минералды суды импорттаймыз, - деді ол.

Қазақстанға тамақ өнімдері, табиғи газ, болат және алюминий өнімдері, мұнай өнімдері жіберіледі. Тәжікстан кен концентраттары мен минералды суды импорттайды.

Қазіргі уақытта KazakhExport арқылы қаржыландыру мүмкіндігі талқыланып жатқанын айтты.

– Біздің екі ел де ассортиментті кеңейтуге мүдделі. Біз Душанбеде экспортты 80 млн доллардан астамға арттыра алатын 35 тауарлардың тізімін ұсындық, сондай-ақ KazakhExport-тің қаржылық тетіктерін пайдалану сауданың өсуіне ықпал етеді. Оның өкілдігі Душанбеде екі жыл бұрын ашылған. Ал енді KazakhExport арқылы тәжік тарапының қазақстандық өнімді сатып алуына арналған бірқатар ірі жобаларды қаржыландыру мүмкіндігі талқылануда, - деп қосты Сұлтанов.

Министрдің айтуынша, Қазақстан Тәжікстан үшін екінші ірі сауда серіктесі болып табылады. Өткен жылы өзара сауда айналымы 3,7%-ға өсіп, 791 млн доллар болды. Сонымен бірге, Қазақстан экспортының өсуі: азық-түлік тауарлары, табиғи газ, болат және алюминий өнімдері, мұнай өнімдері 6 пайыздан асып, 693 млн долларға жетті.

Ол 1995 жылдан бастап ынтымақтастық жөніндегі комиссия сәтті жұмыс істеп жатқанын мәлімдеді.

– Мен 1995 жылдан бастап экономикалық ынтымақтастық жөніндегі үкіметаралық қазақ-тәжік комиссиясының ойдағыдай жұмыс істеп келе жатқандығын қосқым келеді. Қазақстандық тараптан ҮАК жұмыс органы - біздің Сауда министрлігі. 16-шы кездесу наурыз айының соңында өтті. Басқа мәселелермен қатар, олар бірлескен кәсіпорындар құру келешегін талқылады. Сондай-ақ, Қасым-Жомарт Кемелұлы әріптесіне осы бағытта бірқатар жобалар ұсынды, - деді ол.

Сұлтанов тауар айналымы екі миллиард долларға жетуі керек деп уәде берді.

– Айтпақшы, біз өз тауар айналымымызды тек өніммен қамтамасыз ету арқылы ғана емес, қызмет көрсету арқылы да арттыра аламыз, мысалы, аэроғарыш өнеркәсібі мен спутниктік байланыс саласында, жалпы алғанда, пайдаланылмаған әлеует орасан зор. Екі елдің президенттері үкіметтерге осы бағыттағы жұмысты күшейтуді тапсырды. Алдағы жылдары өзара тауар айналымы 2 миллиард долларға жетуі керек.