Қазақстан мен СБЕР арасындағы меморандум мәтіні жарыққа шықты

Қазақстанның нормативтік құқықтық актілерінің ақпараттық-құқықтық жүйесі «Әділет» Қазақстан үкіметі мен Ресей Жинақ банкі арасында қыркүйек айының басында қол қойылған меморандумның толық мәтінін жариялады.

Бұл туралы Orda.kz хабарлады.

Құжаттың толық атауы: «Цифрлық трансформация жобаларын іске асыру, цифрландыру платформалық моделіне көшу және «Деректерге негізделген үкімет» тұжырымдамасы бойынша ынтымақтастық туралы меморандум.

– СБЕР компаниялар тобы стратегиялық серіктес ретінде қазақстандық бағдарламалық жасақтама жасаушы «BTS Digital» ЖШС-ін анықтады, - делінген құжатта.

Сонымен қатар, «BTS Digital» ЖШС ERG еншілес компаниясы болып табылатынын және бұл ЖШС-де Қазақстан үкіметінің үлесі 40%-ды құрайтынын айтады.

Меморандум аясында Қазақстан үкіметі 2022 жылдың бірінші тоқсанында:

• GovTech цифрлық платформасын енгізудің негізгі параметрлерін әзірлеу;
• GovTech платформасының мақсатты архитектурасы, оның ішінде техникалық тапсырмаларын жасау.

Сонымен қатар, «Ұлттық ақпараттық технологиялар» АҚ (ҰАТ) мен Сбербанк несиелік келісім жасамақшы. Құжат Қазақстан Республикасының мемлекеттік кепілдігі бойынша «ҰАТ» АҚ пайдасына несие желісін беруді қарастырады.

Несие ресей рублінде беріледі. Несиенің нақты көлемі нақтыланбаған, тек оның 500 млн доллардан аспайтыны белгілі. Ақша 2022 жылдың бірінші тоқсанының соңына дейін Сбербанкке барлық қажетті құжаттарды уақытында жіберген жағдайда беріледі.

Сондай-ақ, тараптар 2021 жылдың 1 желтоқсанына дейін меморандумды іске асыру бойынша іс-қимыл жоспарын әзірлеп, қол қоюды жоспарлап отыр.

Еске салсақ, 3 қыркүйекте Шығыс экономикалық форумы аясында ҚР премьер-министрі Асқар Мамин мен Сбербанк басқарма төрағасы Герман Греф ынтымақтастық туралы меморандумға қол қойды. Құжатқа сәйкес, ресейлік компания Қазақстанда мемлекеттік секторды цифрландыру жобаларын жүзеге асыруға қатысады.