Қазақстан мен Ресей ШҚО-ға газ жеткізу мүмкіндігін талқылады

Ресей вице-премьері Александр Новак пен Қазақстанның энергетика министрі Мағзұм Мырзағалиев Шығыс Қазақстан облысына газ жеткізу мүмкіндігін талқылады.

Бұл туралы Orda.kz РФ үкіметінің сайтына сілтеме жасап хабарлайды.

«Ресей Федерациясының шекара маңындағы аумағынан Қазақстанның шығыс бөлігіне табиғи газ жеткізуді ұйымдастыру мүмкіндігі талқыланды» делінген үкімет сайтындағы хабарламасында.

Қазақстан билігі бұған дейін Ресей тарапымен Шығыс Қазақстан облысын газдандыру үшін Барнаулдан Өскеменге дейін газ құбырын салу мәселесін айтты. Осы өңірден 2,1 млн адамға газ өткізуге мүмкіндік береді. Газ тұтыну көлемі жылына 2,3 млрд текше метр деңгейінде бағаланды.