Қазақстан мұнай өндіруді арттырады

Қазақстан 2026 жылға дейін мұнай өндіруді арттыратын болады. Бұл туралы Ұлттық экономика министрі Әсет Ерғалиев айтты.

Ол 2022 жылы мұнай бағасы барреліне 64,5 доллар, ал 2023 жылы барреліне 58 доллар деңгейінде болатынын атап өтті. Болжам пандемиядан кейінгі қалпына келтірудің жаһандық үрдістерін ескере отырып қалыптастырылды.

«Мұнай өндіру 2022 жылы 87,9 млн тоннаны құраса, 2026 жылы 107,4 млн тоннаға дейін өседі. Мұнай өндіру көлемінің ұлғаюы Каспий құбыры консорциумының 2023 жылы қазақстандық учаскедегі өткізу қабілетін ұлғайту үшін мұнай құбырындағы бөгеттерді жою жобасын іске асыру есебінен күтілуде» деді Әсет Ерғалиев сенат отырысында.

Ұлттық экономика министрінің айтуынша, 2022 жылы әлемдік экономика 4,9 пайызға, ал 2023 жылы 3,5 пайызға өседі деп күтілуде.

Алдағы жылы жалпы ішкі өнімнің нақты өсімі 3,9% деңгейінде болжануда. 2026 жылы ол 5,2%-ға жетеді.