Қазақстан «Ұлттық рухани жаңғыруға» 119 миллиард теңге жұмсайды

Ақпарат және қоғамдық даму министрі Аида Балаева «Ұлтық рухани жаңғыру» бағдарламасын жүзеге асыруға 119 миллиард теңге жұмсалатынын айтты.

Бұл туралы Orda.kz хабарлайды.

Оның айтуынша, «Ұлттық рухани жағыру» жобасы 2021-2025 жылдарға арналған. Жобаның міндеттерінің ішінде бірегейлік пен интеллектуалдық әлеуетті дамыту, қазақ тілінің дамуына жағдай жасау, жастар үшін жаңа мүмкіндіктерді дамыту және т.б. міндеттер бар.

– Жобаның бюджеті – 119 миллиард теңгені құрайды. 2025 жылға дейін жүзеге асады. Идеология – бұл ілгерілеуі мемлекеттің міндетіне кіретін белгілі бір сала. Шын мәнінде, бұл адамдардың санасына салынған инвестиция, оның қайтарымы қоғамның барлық дерлік саласында көрініс табады: экономика, әлеуметтік сала, мәдениет, білім беру және т.б. Әр теңгені мамандар егжей-тегжейлі есептеді, әр жоба мұқият қаржылық сараптамадан өтті. Оның үстіне бұл жобаларды іске асыру барысы үнемі бақылауда болады, - деді Балаева ОКҚ брифингінде.

Жобаның бір бағыты «Ел рухы» деп аталады және мәдениет саласындағы қызметтердің қолжетімділігін арттыру бойынша шаралар кешенін біріктіреді.