Лаңкестер мен педофилдердің елге кіруіне шектеу қойылуы мүмкін

Мәжіліс көші-қон мәселелері бойынша заңнамаға өзгерістер енгізу жұмыстарын бастады. 17 қарашада жалпы отырыста «Қазақстан Республикасының кейбір заңнамалық актілеріне халықтың көші-қон саласындағы заңнаманы жетілдіру мәселелері бойынша өзгерістер мен толықтырулар енгізу туралы» заң жобасы қабылданды.

Заң жобасын депутаттардың өздері әзірлеп, бірқатар жаңашылдықтарды қарастырды. Депутаттың айтуынша, заң жобасында педофилдер мен лаңкес террористердің елге келуіне жол бермеу мәселесі қаралған.

– Кәмелетке толмағандардың жыныстық қол сұғылмаушылыққа қарсы қылмыстары үшін сотталғандардың көші-қон саласындағы заңнаманың сақталуына мемлекеттік бақылауды жүзеге асыру тәртібін анықтау, келуді шектеу, тыйым салу. Экстремистік немесе террористік әрекет жасаған шетелдіктердің елге келуіне жол бермеу, төтенше жағдайда мерзімі өтіп кеткен құжаттарды пайдалану мәселесін шешу және т.б. мәселелер қарастырылған, - деді депутат Снежанна Имашева.