Қазақстан экономикасын олигархтардан тазарту – Саиров елбасының күйеу балалары туралы

ҚР Парламент мәжілісінің депутаты Ерлан Саиров «QazaqGaz» және «ҚазТрансОйл» ұлттық компанияларының басқарма төрағалары Қайрат Шәріпбаев пен Димаш Досановтың қызметінен кетуіне қатысты пікір білдірді.

Депутат бұл туралы «Говорит Москва»  радиосына берген сұхбатында айтты. 

Саировтың айтуынша, мұндай шешім елдің дамуына оң әсер етеді. Ол өз сөзін «Қазақстанда қоғамдық игіліктерді тең бөлуде қиындықтар барымен» түсіндірді. Саиров қазір жағдайды реттеу үшін президент Қасым-Жомарт Тоқаевтың реформалар бағдарламасы жүзеге асырылып жатқанын еске салды.

«Бұл кадрлық өзгерістер ел үшін маңызды. Іс жүзінде бұл Қазақстан экономикасын олигархтардан тазарту болып отыр. Процестер басталды» деді Ерлан Саиров.

Алайда ол елдегі ірі компаниялардың басқару секторындағы өзгерістер көлемді емес екеніне сенімді.

Еске салсақ, Елбасы Нұрсұлтан Назарбаевтың күйеу балалары QazaqGaz және Қазтрансойл ұлттық компанияларындағы қызметінен кеткендігі белгілі болды.