Қазақстан Иран, Қытай және Үндістан азаматтары үшін визасыз режим енгізбек

Мәдениет және спорт вице-министрі Ержан Еркінбаев Қазақстандағы визасыз елдердің тізімін жүзге дейін ұлғайтып, елімізге шетелдіктердің келуіне жол ашуды жоспарлап отырғандарын айтты.

– Биыл Қазақстан ішкі туризм бойынша рекордтық көрсеткіш – 6,9 миллион туристке жетті. Бұл 2019 жылмен салыстырғанда ең жақсы көрсеткіш, 2019 жылдан бері отандық туристерді тарту бойынша Қазақстан тарихындағы ең жоғары көрсеткіш болды. Дегенмен, шетелдік туристер үшін рекордтық көрсеткіш, – деді Ержан Еркінбаев.

Вице-министрдің айтуынша, осы жылы 500 мыңнан бір миллионға дейін шетелдік туристерді қабылдауға дайындалып жатыр.

– Шекаралар жабылып, пандемияға байланысты шектеулер енгізілді. Бүгіннен бастап барлық шектеулер алынып тасталды. 74 елге визасыз режим қайтарылды. Бұл тізімді 100-ге жеткізуді жоспарлап отырмыз.

Кешеден бастап электронды визаларды беру қайта жанданды. Иран, Қытай, Үндістан азаматтары үшін визасыз режим енгізу мәселесі пысықталуда, – деді Ержан Еркінбаев.

Айта кетерлігі, қазақстандықтардың өздері үшін өз елінде демалу шетелге барудан қымбатырақ.