«Қазақстан халқына» қоғамдық әлеуметтік қорына алғашқы 350 млн теңге түсті

Бұл қаражатты  «Степногорск тау-кен-химия комбинаты»  үлескерлері аударған.

Қорға аударылған қаржы азаматтардың денсаулық сақтау, білім беру, әлеуметтік қолдау, мәдениет және спорт салаларындағы мәселелерін шешуге бағытталатыны белгілі болды. Қор қаржысы  төтенше жағдай енгізілген кезде зардап шеккен халыққа көмекке жұмсалады  деп жоспарлануда. Сондай-ақ қор сирек кездесетін ауруға шалдыққан балаларды емдеуге көмек көрсетіп, әлеуметтік-мәдени нысандардың құрылысын қаржыландырады.

Қорды қаржыландыру жеке көздерден, халықаралық қайырымдылық ұйымдарының қаражатынан, лотерея операторының, бәс тігу орталығының және басқа монополистердің міндетті жарналары, ірі кәсіпкерлік субъектілерінің тұрақты жарналары, қайырымдылық қорлары, соның ішінде квазимемлекеттік сектор есебінен жүзеге асырылады.

Сондай ақ,  «Қазақстан халқына» қоғамдық әлеуметтік қорының төрағасы Болат Жәмішев болды.

Болат Жәмішев әр жылдары Қаржы ұйымдарын реттеу және қадағалау агенттігі төрағасы, Қаржы министрі, Өңірлік даму министрі, «Қазақстанның даму Банкі» АҚ Басқарма төрағасы қызметтерін атқарған.