Елтаңба авторы Шот-Аман Уәлиханов қайтыс болды

Сәулетші, Қазақ КСР-і еңбек сіңірген сәулетші (1978), профессор, Шығыс елдері Халықаралық сәулетші академиясының академигі Шот-Аман Уәлиханов бүгін 89 жасында өмірден өтті.

Белгілі қазақстандық мүсіншінің туған-туыстары мен жақындарына Мәдениет министрі Ақтоты Райымқұлова көңіл айтты.

Шот-Аман Уәлиханов-Қазақ КСР еңбек сіңірген сәулетшісі, Қазақ КСР Мемлекеттік сыйлығының лауреаты (1990).

Ол Қазақстан Республикасы елтаңбасының авторы, Алматыдағы Тәуелсіздік монументі авторларының шығармашылық тобын басқарған.

Сондай-ақ Шоқан Уәлиханов, Тоқаш Бокин, Шәкәрім ескерткіштері мен Семей ядролық полигоны құрбандарын еске алуға арналған «Өлімнен де күшті" монументінің авторы.

«Құрмет», «Парасат», «Отан», «Даңқ» ордендерімен марапатталған.