Қазақстан елшілігінің қабылдауы: қазы-қартадан тау, бауырсақтан терек

Желіде фуршетке жайылған дастархан қолданушыларды бейжай қалдырмады. Видео авторы Қазақстанның Қырғызстандағы елшілігі Тәуелсіздік күнін тойлап жатқанын айтты.

«Мереке. Қазақстанның Қырғызстандағы Тәуелсіздік күнін Қазақстан елшілігі ұйымдастырып жатыр» дейді видео авторы.

Кадрларда жергілікті аспаздар мен аспаздық мамандардың қазы-қартадан тау, чак-чактан пен бауырсақтан терек, бидайдың масақ түріндегі ірімшік торттарын, сондай-ақ Қазақстан мен Қырғызстанның тулары салынған торттарды қалай бейнелегені көрсетілген.

Фонда Бекболат Тілеуханның орындауындағы «Елім менің» әні ойнап тұр.

ҚР Сыртқы істер министрлігінің ресми өкілі Айбек Смадияров бұл кәдімгі фуршет екенін түсіндірді.

«Қазақстандағы шетел елшіліктері де қабылдаулар өткізеді. Барлығында кәдімгі швед үстелі бар, бірақ бұл жерде аспаз аздап қиялын қосып, шығармашылықпен қараған» деді ол.

Ал бұл дастарханды жаюға неше қаражат кеткеніне СІМ өкілі нақты жауап бермеді, ол басқаларының дастарханы сияқты деді.