Қазақстанда екі адамнан тұратын қоғамдық бірлестік құруға рұқсат берілуі мүмкін

Ақпарат жане әлеуметтік даму  министрлігінің  сайтында аталған құжат жарияланды, оған сайкес қазақстанда екі адамнан кем емес топқа қоғамдық бірлестіктер  құруға мүмкіндік беру ұсынылған.

Құжат 2022 жылдың 3 мамырында жарияланды. Онда Қазақстанда қоғамдық бірлестіктер құруға байланысты бірнеше мәселелер бар екені айтылған. Біріншіден, он адамнан аз азаматтар тобының қоғамдық бірлестік құруы мүмкін емес.

Бұл ретте Қазақстан халықаралық шарттар мен ұйымдардың (БҰҰ, ЕҚЫҰ және т.б.) қатысушысы, сондай-ақ,  OGP сияқты халықаралық бастамаларға қатысуға дайын ел ретінде адам құқықтары саласында белгілі бір міндеттемелерге ие. OGP ресми сайтында жарияланған ақпаратқа сәйкес, Қазақстан жарамдылық критерийлеріне сәйкес келеді, дегенмен, мән мен ұғым тексеруден өтпейді. «Құндылықтарды тексеруді» сақтау қолданыстағы заңнамаға тиісті өзгерістер енгізуді, оның ішінде азаматтардың бірлестіктер бостандығына құқықтарын кеңейтуді талап етеді.

Сондай-ақ,  сайтта құқықтық мониторинг барысында ескірген нормалар анықталғаны айтылған.

«1996 жылы 31 мамырда «Қоғамдық бірлестіктер туралы» Заң қабылданған кезде Алматы қаласы республикалық маңызы бар мәртебеге ие болды. Аумақтық құрылымның өзгеруіне байланысты республикалық маңызы бар қалалардың тізбесі нақтылануы тиіс. Қазіргі уақытта Нұр-Сұлтан, Алматы және Шымкент қалалары республикалық маңызы бар» делінген құжатта.

Құжатты әзірлеуші ​​қазақстандықтарға екі адамнан тұратын топпен ҮЕҰ құру мүмкіндігін беруді ұсынып отыр. Бұл азаматтардың еркін бірлесу құқығын толық іске асыруға мүмкіндік береді.