Қазақстан боксшылары жартылай финалға шықты

Германияның Кельн қаласында бокстан халықаралық турнир өтіп жатыр. Қазақстандық боксшылардың алғашқы жарыс күніндегі нәтижелерін Olympic.kz жариялады.

Жарыстың ¼ финалында Ермахан Жақпеков германиялық Андрей Мерсляковтан ұтылып қалды. 63 келі салмақта жұдырықтасуға шыққан қазақ боксшысы Ертуған Зейнулинов Ассан Хансенді (Германия) жеңіп, жарыстың жартылай финалына жолдама алды.

Сонымен қатар жерлестеріміз Оразбек Асылқұлов пен Қамшыбек Қоңқабаев та жартылай финалда шаршы алаңға шығатын болды.

57 келі салмақта өнер көрсеткен Оразбек Асылқұлов Ани Хаксхиллариді (Германия) жеңді. Ал құрама капитаны Қамшыбек Қоңқабаев (+91 кг) франциялық Мойнзде Абдоудоуды ұтты.