Қазақстан байларының Сейшел мен Кайман аралдарына ақша аударуы көбейді

Қазақстандық инвесторлар 2021 жылдың қаңтар қыркүйек айлары аралығында шетелге тікелей 1,5 млрд доллар инвестиция жасаған.

Ranking.kz мәліметі бойынша, 2020 жылы 12 айда 1,4 млрд доллар болған.

Тоғыз айда көркеткіш бірден 35,8% өскен.

Қазақстандық инвесторлардың тікелей салымының 1 млрд тек қаржы және сақтандыру қызметіне төленген. Кәсіби-ғылыми техникалық қызметіне 117,4 млн доллар, ал үй шаруашылығы мен тұтыну тауарлары өндірісіне 96,7 млн доллар инвестиция жасалған.

Көбіне ақша аударымдары офшор елдеріне аударылған.

2021 жылы тоғыз айда ең көп Кайман араладарына 637,5 млн доллар аударылған. Бір жылда бұл елге аударылған ақша мөлшері бірден 3 есеге көбейген.

Кейін Ресейге 253,1 млн доллар, Сейшел аралдарына 176,6 млн доллар қаражат инвестицияланған.

Айта кетсек, Сейшел аралдарына ақша аударымдары 2021 жылдың үшінші тоқсанында жасалған. Бұған дейін онда ақша аударылмайтын.

Ал Кайман аралдарындағы инвестиция көлемі тұрақты түрде өсіп жатыр. 2011 жылы бұл аралға 0,1% шетелдік инвестиция жасалса, 2020 жылы бұл көрсеткіш 23,3%-ға өскен. Ал 2021 жылы тоғыз айда 42,2% болған.