Қазақстан Ауғанстаннан Қырғызстан азаматтарын шығаруға көмектеседі

Қазақстан Ауғанстаннан Қырғызстанның 15 азаматын эвакуациялауға көмектесті.

Бұл туралы Orda.kz хабарлады.

Қазақстанның Қырғызстанға көмегі туралы ҚР Сыртқы істер министрі Мұхтар Тілеуберді мен Қырғызстан Сыртқы істер министрі Руслан Қазақбаевтың телефон арқылы сөйлесуі кезінде белгілі болды.

Әңгіме барысында күн тәртібіндегі өзекті мәселелер талқыланды. Атап айтқанда, Ауғанстандағы әскери-саяси жағдайдың шиеленісуін ескере отырып, халықаралық және аймақтық мәселелер бойынша пікір алмасты.

Қырғызстан министрі 15 қырғыз азаматын Кабулдан эвакуациялауға және Ауғанстандағы Қырғыз елшілігіне көмек көрсеткені үшін Қазақстанға ризашылығын білдірді.

Sputnik Қырғызстанның хабарлауынша, Кабулдан эвакуацияланған қырғыздар Алматыға келген.

Тілеуберді қазақстандық тараптың Қырғызстанға әрі қарай көмек көрсетуге дайын екендігін мәлімдеді.

– Тараптар Ауғанстандағы жағдай бойынша одан әрі әрекеттерді өздерінің сыртқы миссиялары мен сыртқы істер министрліктері арқылы, оның ішінде ҰҚШҰ шеңберіндегі серіктес елдермен және басқа да аймақтық ұйымдар арқылы үйлестіруге уағдаласты, бұл жағдай шиеленіскен жағдайда шұғыл мәселелерді шешіледі, - делінген хабарламада.

Кездесу барысында аймақтық күн тәртібінің мәселелері талқыланды, атап айтқанда, Нұр-Сұлтанда өтетін Орталық Азиядағы ядролық қарудан азат аймақ туралы шартқа қатысушы мемлекеттердің сыртқы істер министрлерінің кездесуіне дайындық барысы талқыланды.