Қазақстан астанасы Ақмола болып ауысқан сәттің видеосы жарияланды

24 жыл бұрын, 1997 жылы 20 қазан күні Қазақстанның сол кездегі президенті Нұрсұлтан Назарбаевтың «Ақмола қаласын Қазақстан Республикасының астанасы деп жариялау туралы» жарлығы шықты.

Осыған орай, Nur Otan партиясы тарихи хрониканың бейнежазбасын жариялады.

Қазақстанның тұңғыш президенті Нұрсұлтан Назарбаевтың жарлығына сәйкес, 1997 жылдың 10 желтоқсанынан бастап Ақмола тәуелсіз Қазақстанның астанасы болды. 1998 жылы 6 мамырда Ақмола атауы – Астана болып өзгертілді.

1999 жылы Қазақстанның жаңа елордасы – Астана ЮНЕСКО шешімімен «Әлем қаласы» атанды.

Ел астанасы 2019 жылғы 23 наурызда Қазақстан президенті Қасым-Жомат Тоқаевтың жарлығымен – Нұр-Сұлтан болып өзгертілді.