Қазақстан алтын қоры бойынша Түркияны басып озды

Дүниежүзілік алтын кеңесінің мәліметі бойынша, 2021 жылдың 1 желтоқсанындағы жағдай бойынша алтын көлемі 402,9 тоннаны құрады. Бір ай бұрын ол 392,7 тоннаға жеткен.

Қазақстан алтын қоры бойынша Түркияны басып озып, 12-ші орынға ие болды. Еліміз қазір Тайвань (423,6 тонна) мен Түркия (391,1 тонна) арасында орналасқан.

Қор бойынша жетекші орынды АҚШ – 8,1 мың тонна, Германия – 3,3 мың тонна және Италия – 2,4 мың тонна иеленді. Сонымен қатар, Comex биржасында 13 желтоқсандағы алтынның саудасы бір троя унциясы үшін 1 788,3 долларға жетті. LBMA-да бағалы метал 1 787,8 долларға сатылды. Ұлттық банк сайтында алтынның 1 грамы 24,8 мың теңгеге бағаланған.